ՀՀ կրթության և գիտության նախարարությունում այսօր տեղի է ունեցել տոնական ընդունելություն կանանց միջազգային տոնի` մարտի 8-ի առթիվ: Մարզերի և մայրաքաղաքի դպրոցների մոտ երկու տասնյակ վաստակաշատ մանկավարժներ արժանացել են ՀՀ կրթության և գիտության նախարարության պատվոգրերի:ՀՀ կրթության և գիտության նախարար Արմեն Աշոտյանն ոլորտի կանանց մաղթել է անձնական երջանկություն և ժպիտ: «Կրթական համակարգն ամենագեղեցիկ, ամենաիմաստուն ու ամենաբարի համակարգն է շնորհիվ ոլորտում ընդգրկված կանանց` ուսուցիչների, դասախոսների, ուսանողուհիների, աշակերտուհիների :
Կրթական համակարգը` որպես դաստիարակության, արժեքների ստեղծման ու փոխանցման համակարգ, լավագույնս է բացահայտում հայ կնոջ կերպարը: Վստահորեն կարող եմ ասել, որ հայ կնոջ օգնությամբ ու մասնակցությամբ կրթական համակարգում առավել մեծ հաջողություններ կարող են գրանցվել»,-նշել է Արմեն Աշոտյանը և հավելել, որ կանայք լրացուցիչ բարություն են հաղորդում մեր հասարակությանը:
Մարտի 8-ի առթիվ ուսուցչուհիների պարգևները հանձնել է ՀՀ ԿԳ նախարարի տեղեկալ Մանուկ Մկրտչյանը: Շնորհավորելով կրթության համակարգում աշխատող կանանց` Մանուկ Մկրտչյանը բանաստեղծական մի քանի քառյակ է նվիրել նրանց և մաղթել անսահման ժպիտ և ստեղծագործ աշխատանք: Պարգևների հանձնման արարողությունից հետո ուսուցչուհիները երախտիքի խոսքեր են հղել, ինչպես նաև միջոցառումը զարդարել երգով:
Մարտի 8-ի առթիվ ուսուցչուհիների պարգևները հանձնել է ՀՀ ԿԳ նախարարի տեղեկալ Մանուկ Մկրտչյանը: Շնորհավորելով կրթության համակարգում աշխատող կանանց` Մանուկ Մկրտչյանը բանաստեղծական մի քանի քառյակ է նվիրել նրանց և մաղթել անսահման ժպիտ և ստեղծագործ աշխատանք: Պարգևների հանձնման արարողությունից հետո ուսուցչուհիները երախտիքի խոսքեր են հղել, ինչպես նաև միջոցառումը զարդարել երգով:
