Բոլոնիայի գործընթացին հետամուտ խմբի խորհրդի հանդիպում
Երևանի Մարիոթ Արմենիա հյուրանոցում այսօր տեղի է ունեցել Բոլոնիայի գործընթացին հետամուտ խմբի խորհրդի հանդիպումը, որին մասնակցել են խորհրդի անդամ երկրների` Հայաստանի, Լեհաստանի, Հունգարիայի, Դանիայի, Ռումինիայի բարձրագույն կրթության ոլորտի և խորհրդատու մարմինների` Եվրախորհրդի, Ուսանողների եվրոպական միության և Բարձրագույն կրթության հաստատությունների եվրոպական ասոցիացիայի ներկայացուցիչները: Ողջույնի խոսքով հանդես է եկել ՀՀ կրթության և գիտության նախարար Արմեն Աշոտյանը: Հանդիպման ընթացքում քննարկվել են եվրոպական բարձրագույն կրթության տարածաշրջանի հետագա զարգացումներին առնչվող մի շարք հարցեր:
